Kaspıı teńizine batyp kete jazdaǵan 11 jasar bala qutqaryldy
AQTAÝ. 12 maýsym. QazAqparat - Bul týraly MO Apattyq medıtsına ortalyǵy fılıalynyń shuǵyl áreket bóliminiń dárigeri J Qudaıbergenova málimdedi.
11 jasar Nurbek Sharıpov qalanyń 1-shaǵyn aýdanyna jaqyn sý jaǵalaýynda ata-anasynyń qaraýynsyz dostarymen teńizge shomylýǵa barǵan. Sol ýaqyttasýdan qutqarýshy beketiniń qyzmetkeri Erkin Aıdarbekov sol mańda barlaý júrgizip júrgen. Ol balalardyń kómekke shaqyrǵan jan daýsyn estip, dál ýaqytynda oqıǵa ornyna jetip barady.
Erkin balany sýdan alyp shyǵyp, teńiz jaǵasynda dárigerge deıingi alǵashqy kómekti jasap, birlestirilgen dıspetcherlik bólimniń nusqaýy men járdemge asyqqan «Apat medıtsına» shuǵyl áreket qyzmetkerleri kelgenshe kómek berip úlgeredi.
Shuǵyl áreket qyzmetkerleri dárigerlik kómek kórsetip, qutqarylǵan bala esin jıǵasyn oblystyq balalar aýrýhanasyna jetkizedi. Qazir Nurbek aman-esen otbasyna oraldy.
Sýdan qutqarýshy-súńgýir Erkin Aıdarbekov 1987 jyly Aqtaý qalasynda dúnıege kelgen. Mektep bitirgen soń, «Bolashaq» kolledjinde zańger mamandyǵy boıynsha bilim alyp, 2005-2007 jyl aralyǵynda áskerı qyzmetin ótep keldi. Shymkent qalasynda barlaý rotasynda ózin kórsete bilgen Erkin, qazirgi tańda Aqtaý qalasy sýdan saqtaý beketinde 2011 jyldan bastap qutqarýshy bolyp eńbek etýde.
