Kaspıı teńizindegi sý deńgeıiniń azaıýy alań týdyrýda
BAKÝ. 23 qarasha. QazAqparat /Berik Hamıdov/ - Kaspıı mańyndaǵy elder men Reseıdiń gıdrometeorologııalyq qyzmeti usynǵan boljamdar negizine súıensek, sońǵy jyldary Kaspıı teńizinde sý deńgeıi artyp emes, kerisinshe azaıyp kele jatqany baıqalady.
Bul týraly jýrnalısterge Ázirbaıjannyń Ekologııa jáne tabıǵı resýrstar mınıstrligi Ulttyq gıdrometeorologııa departamenti dırektorynyń orynbasary Rza Mahmýdov málim etti.
«2010 jyly Kaspıı teńizindegi sý deńgeıi 9 sm-ge, 2011 jyly 20 sm-ge azaıǵan. Sý deńgeıiniń azaıý qaýipi aldaǵy jyldary da baıqalýy múmkin. Boljam boıynsha 2014-2015 jyldary teńizdegi sý 13-14 sm-ge tómendeıdi», - dep atap ótti.
Osyǵan baılanysty ol Kaspıı teńiziniń ekologııalyq jaǵdaıy árdaıym basty nazarda bolatynyn jetkizdi.
