Kaspıı teńizinde joǵalyp ketken balyqshylar tabyldy
ATYRAÝ. QazAqparat – Atyraý oblysynda Kaspıı teńizinde joǵalyp ketken balyqshylardy qutqardy, dep habarlaıdy QazAqparat tilshisi.
«4 jeltoqsan kúni Isataı aýdanynda, Zabýrne aýylynan 25 shaqyrym qashyqtyqta, Kaspıı teńizi jaǵalaýynan shamamen 16 shaqyrym jerde 10 balyqshynyń muz ústinde qalǵany belgili boldy. Aýa raıynyń qolaısyzdyǵynan olar jaǵaǵa qaıta almaǵan. Іzdeý-qutqarý jumystaryna jergilikti atqarýshy organdar, TJD qyzmetkerleri, polıtsııa departamenti, UQK ShQ 2201 «g» áskerı bólimi qatysty. Jalpy 7 tehnıka men jeke quramdaǵy 20 adam atsalysty. Keshke qaraı balyqshylar tabylyp, jaǵaǵa jetkizildi», - dep habarlady Atyraý oblystyq TJD baspasóz qyzmeti.
Qutqarylǵan balyqshylarǵa medıtsınalyq kómek qajet bolǵan joq.
