Kaspıı teńizinde joǵalǵan balyqshynyń denesi úsh kúnnen keıin tabyldy

AQTAÝ. QazAqparat - Kaspıı teńizinde joǵalǵan balyqshynyń denesi úsh kúnnen keıin tabyldy. Bul týraly Mańǵystaý oblystyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

1987 jyly týǵan er adam 29 shildede Quryq aýylynyń mańynda balyq aýlaý kezinde joǵalyp ketken. Sol kúnnen bastap izdeý sharalary úzdiksiz júrgizildi. Іzdestirý-qutqarý jumystaryn Tótenshe jaǵdaılar departamentiniń qyzmetkerleri, eriktiler, jergilikti turǵyndar jáne joǵalǵan adamnyń týystary júrgizdi. Sondaı-aq tikushaq pen drondar tartyldy.

«1 tamyzda jergilikti balyqshylar joǵalǵan adamnyń máıitin alyp shyqty», - delingen baspasóz málimetinde.