Kaspıı teńizinde joǵalǵan balyqshylardy tikushaqpen izdep jatyr

AQTAÝ. QazAqarat – Kaspıı teńizinde joǵalǵan balyqshylardy 17 qutqarýshy, volonterlar men joǵalǵandardyń týystary izdep jatyr, dep habarlaıdy QazAqparat Lada.kz saıtyna silteme jasap.

«30 sáýirge qaraǵan túni 1994 jyly týǵan Qazaqstan azamaty men 1983 jyly týǵan Ózbekstan azamaty temir qaıyqpen teńizge balyq alaýǵa shyǵyp, sodan oralǵan joq. Kaspıı teńiziniń jaǵalaýynda Aqshukyr aýylynyń mańynda izdeý jumystaryna qaıyqtarmen 17 qutqarýshy kiristi. Sondaı-aq izdeý jumystaryna QR Teńiz áskerı kúshteriniń 29011 áskerı bóliminiń «Oral» qaraýyl kemesi jumyldyryldy. Joǵalǵandardy QR Tótenshe jaǵdaılar mınıstrliginiń «Kazavıaspas» AQ –nyń qutqarýshylary Mı-870 tikushaǵymen de izdep jatyr. Tikushaqtyń bortynda TJM-niń 4 ókili men joǵalǵandardyń týysy bar», - dep habarlady Mańǵystaý oblystyq Tótenshe jaǵdaılar departamenti bastyǵynyń orynbasary Bekbolat Ábdiqadyrov.

Osyǵan deıin balyqshylardyń Pavlodar oblysynda Ertis ózeninde joǵalǵany habarlanǵan bolatyn. Keıinirek olaraman-esen tabyldy.