Kaspıı teńizinde zańsyz balyq aýlaǵan 57 brakoner ustalyp, 1,2 mln teńge aıyppul salyndy

NUR-SULTAN. QazAqparat - Shekara qyzmetiniń Atyraý, Mańǵystaý jáne Batys Qazaqstan oblysy boıynsha aýmaqtyq bólimsheleri zańsyz balyq aýlaýdy kásip qylǵan brakonerlerdiń zańsyz áreketiniń aldyn alý úshin kólemdi operatsııa ótkizip jatyr. Bul jóninde Ulttyq qaýipsizdik komıtetiniń baspasóz qyzmetine silteme jasap QazAqparat habarlaıdy.

2020 jylǵy 1-24 sáýir aralyǵynda teńizshi-shekarashylar Kaspıı teńizinde 33 shaǵyn júzý kemesinen 57 quqyq buzýshyny ustady. 190 shaqyrymnan astam brakonerlik aý, «kallada» tárizdi qarmaqty torkóz tárkilendi.

« Jedel is-shara nátıjesinde 1 239 915 teńge somasynda aıyppul salyndy. Barlyǵy 679 bekire men 4 235 erekshe asyl tuqymdy balyq túrleri teńizge jiberildi. Memleketke 1 mlrd teńgege jýyq shyǵyn keltirýdiń aldy alyndy « delingen habarlamada .

Teńiz shekarashylarynyń operatsııasy jalǵasýda.