Kaspıı teńizinde tanker jarylyp, 3 adam mert boldy
NUR-SULTAN. QazAqparat - Mahachkala portynda tanker jarylyp, 3 adam mert boldy, dep habarlaıdy QazAqparat reseılik TASS agenttigine silteme jasap.
«Úsh adamnyń denesi tabyldy, olar matrostar»,-dedi oqıǵa kýágeri.
Bortta barlyǵy 12 adam boldy.
Reseıdiń teńiz jáne ózen flotynyń ókilderi oqıǵa ornynda tótenshe jaǵdaılar salasynyń qyzmetkerleri jumys istep jatqandyǵyn habarlady. Tankerdiń adamdar turatyn bóligi órtengen.
Ońtústik tergeý bóliminiń málimetinshe, oqıǵanyń saldarynan 3 adam zardap shekken. Qazirgi tańda oqıǵany tekserý jumystary júrip jatyr.
Vedomstvonyń habarlaýynsha, mashına bóliminde jarylys bolyp, artynan ol órtke ulasqan.
Dagestannyń densaýlyq saqtaý mınıstrligi zardap shekken úsh azamattyń respýblıkalyq aýrýhanaǵa jetkizilgendigin habarlady. Eki adam kúıik bólimine jiberilse, ekinshisi jaraqat bólimine jóneltilgen. Zardap shekkenderdiń biriniń jaǵdaıy aýyr. Onyń denesiniń 95 paıyzyn kúıik shalǵan.
Zardap shekkenderdiń biri Tambov oblysynyń 38 jastaǵy turǵyny, ekinshisi Astrahan oblysynan, jasy 30-da.
Reseıdiń Tótenshe jaǵdaılar mınıstrligi jarylystyń munaı shyǵarý kezinde bolǵandyǵyn habarlady. Jergilikti ýaqyt boıynsha saǵat 04-48-de Mahachkala teńiz-saýda portynda tankerden munaı ónimderin tasymaldaý kezinde mashına bóliminen gazdy aýanyń jarylýy týraly habarlanǵan.
