Kaspıı teńizinde qoltyraýyn júzip júrgeni jaıly aqparat - feık

AQTAÝ. QazAqparat - Sońǵy kúnderi áleýmettik jelide teńiz jaǵalaýynda júzip júrgen qoltyraýynnyń beınejazbasy tarady. Jeli qoldanýshylary vıdeo Kaspıı teńizi jaǵalaýynda túsirilgen dep boljam jasaǵan, dep habarlaıdy QazAqparat tilshisi.

Mańǵystaý oblysy orman sharýashylyǵy jáne janýarlar dúnıesi aýmaqtyq ınspektsııasynyń basshysy Ǵabbas Dosatov bul aqparattyń jalǵan ekenin málimdedi.

«Beınejazba Kaspıı teńizinde túsirilýi múmkin emes. Óıtkeni qoltyraýyn tuşy sýda mekendeıdi. Sondaı-aq aýa raıy jyly Afrıka sekildi tropıkalyq jáne sýbtropıktik aımaqtarda ómir súredi. Qoltyraýyndar bizdiń klımatqa beıimdele almaıdy. Sondyqtan vıdeony muqııat saralaı kele, aqparattyń jalǵan ekenine kóz jetkizdik»,- deıdi Ǵabbas Dosatov.