Kaspıı teńizinde qaıyqtaryn jel aıdap áketken eki balyqshy qutqaryldy
AQTAÝ. QazAqparat - Kaspııde kúshti jel qaıyǵyn teńizdiń ortasyna qaraı aıdap áketken eki balyqshy qutqaryldy, dep habarlaıdy QazAqparat Mańǵystaý oblystyq tótenshe jaǵdaılar departamentiniń baspasóz qyzmetine silteme jasap.
Oqys oqıǵa 17 maýsym kúni boldy. Jaǵalaýdan 4-5 shaqyrymdaı ishkeride rezeńke qaıyqpen balyq aýlap júrgen eki er adam jeldiń ekpini artqandyqtan, qurlyqqa jete almaǵan.
«Qutqarýshylar balyqshylardy taýyp, jaǵalaýǵa shyǵardy. Odan ary kezekshi kólikpen Aqtaýǵa jetkizildi», - delingen habarlamada.
