Kaspıı teńizinde bolǵan apattan úsh jumysshy qaza tapty, bireýi izdestirilýde

BAKÝ. QazAqparat - Ázerbaıjandaǵy munaı platformasynda bolǵan apatqa baılanysty qylmystyq is qozǵaldy. Bul týraly Ázerbaıjannyń Bas prokýratýrasynyń baspasóz qyzmeti habarlady.

Habarlamaǵa sáıkes, osy oqıǵaǵa baılanysty Ázerbaıjannyń QK-niń 162-babynyń 2-tarmaǵy boıynsha qylmystyq is qozǵaldy. Tergeý jalǵasýda.

Kaspııdiń ázerbaıjandyq sektorynda 23 qazan kúni shamamen 12:00 kezinde apattyq jaǵdaıdaǵy N.Narımanov atyndaǵy PO «Azneft» Munaı-gaz óndirýshi basqarmasynyń terrıtorııasyndaǵy №441 alańy jóndeý jumystary kezinde opyrylǵan. Dıametri 700 mm bolatyn qubyrdyń zaqymdanýy saldarynan órt tutanǵan. Shamamen 12:45 kezinde órt aýyzdyqtaldy.

Apat kezinde platformada 41 jumysshy bolǵan. Apattyq qutqarý brıgadasynyń qolǵa alǵan sharalarynyń nátıjesinde, 37 adam qaýipsiz jerge shyǵarylyp, jaǵalaýǵa «Orion-15» jáne «PSK-52» kemelerimen jetkizildi.

Іz-túzsiz joǵalǵan tórt jumysshynyń úsheýiniń máıitteri oqıǵa ornynan 2 shaqyrym jerden tabyldy. Іz-túzsiz joǵalǵandardyń taǵy bireýi izdestirilýde.