Kaspıı teńizi tartylyp keledi - Qazgıdromet
Sessııa barysynda Qazgıdromettiń Klımatty zertteý jáne sý problemalary departamentiniń dırektory Taıyzhan Qojahmetov baıandaǵandaı, qazirgi kezde Kaspıı teńiziniń qazaqstandyq bóligin 4 gıdrometeorologııalyq stansa baqylaıdy. Oǵan qosa, 8 beket bar. «Biraq 2005 jyldan bastap Kaspıı teńiziniń deńgeıi tómendep keledi. Sonyń saldarynan «Zapadnaıa Prorva» baqylaý beketi teńiz jaǵalaýynan alystap ketti. Onyń bári gıdrometeorologııalyq baqylaý qyzmeti úshin biraz qıyndyq týǵyzyp otyr. Búginde ol boıynsha baqylaýdyń birqatar sharalaryn qysqartý týraly sheshim shyǵaryldy», - deıdi T.Qojahmetov.
Departament dırektory atap kórsetkendeı, Kaspıı teńizi jaǵalaýyndaǵy radıatsııalyq, meteorologııalyq jáne taǵy basqa málimetterdi jınaqtaý maqsatynda biryńǵaı avtomattandyrylǵan júıeni engizý josparlanyp otyr. Onyń aıasynda elektrondy poshta, GSM jáne spýtnıktik baılanys keńinen qoldanylatyn bolady.
