Kaspıı tabanyna talshyqty-optıkalyq jeli tóseý ýaqtyly aıaqtalýy tıis - Prezıdent

ASTANA. QazAqparat – Kaspıı tabanynda baılanystyń talshyqty-optıkalyq jelisin tóseý jumysy qarqyndy júrgizilip jatyr. Bul týraly Ázerbaıjan Prezıdenti Ilham Álıevpen kelissózderden keıingi BAQ ókilderine arnalǵan brıfıngide Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Aqparattyq tehnologııalar salasynda kooperatsııany kúsheıtýdiń keleshegi bar ekendigi aıqyndaldy. Qazirgi ýaqytta Kaspıı tabanynda baılanystyń talshyqty-optıkalyq jelisin tóseý jumysy qarqyndy júrgizilip jatyr. Bul jobanyń strategııalyq mańyzyn eskere otyryp, ony ýaqtyly iske qosýdy qamtamasyz etýdi tapsyrdyq. Buǵan qosa, ázerbaıjandyq seriktesterdi memlekettik qyzmetterdi tsıfrlandyrý salasyndaǵy birlesken jobalardy júzege asyrýǵa, qazaqstandyq ІT-startaptar alańdaryn paıdalanýǵa shaqyrdyq», - dedi Prezıdent.

Memleket basshysy ázerbaıjandyq delegatsııa qarjy jáne zamanaýı tehnologııalar salasyndaǵy ózara is-qımyl úshin jaqsy platforma bola alatyn Astana halyqaralyq qarjy ortalyǵyna baratyndyǵyn aıtty.