Kaspıı sammıti aıasynda Caspian Energy Summit sharasy ótkizilmek
ASTANA. 24 qańtar. QazAqparat - 2014 jyly kúzde Astrahanda Kaspıı jaǵalaýy memleketteriniń Kaspıı sammıti aıasynda Caspian Energy Summit bıznes-sammıtin ótkizý usynysy jasaldy,
dep habarlaıdy Kaspıı-eýropalyq yqpaldastyq iskerlik klýby (CEIBC). Atalmysh usynys Caspian European Club pen Caspian Energy International Media Group tarapynan túsip otyr.
Alǵash ret ótkizilgeli otyrǵan Caspian Energy Summit Reseı Prezıdenti Vladımır Pýtınniń tóraǵalyǵymen ótedi dep josparlanýda. Keıin oǵan kezek-kezekpen Kaspıı sammıti uıymdastyrylatyn elderdiń basshylary tóraǵalyq etetin bolady. Caspian Energy Summit sharasy barysynda Kaspıı jaǵalaýy elderi arasyndaǵy ekonomıkadan bastap, aýyl sharýashylyǵyna deıingi salalardaǵy yqpaldastyq pen birlesken jobalardyń tanystyrylymy ótkiziledi dep kútilýde. Sonymen qatar munaı óńdeý jáne munaı-hımııa ónerkásipteriniń ekologııalyq taza óndiristerin damytý, Kaspııde balamaly energetıkany qoldanýdyń áleýeti, kenishterde jańa tehnologııalardy qoldaný, munaı jáne gaz transulttyq qubyrlarynyń qurylysy, qarjylyq jáne bank qarym-qatynastary, mashına jasaý, týrıstik áriptestik, telekommýnıkatsııalyq tehnologııalar, saqtandyrý men lızıng máseleleri jaıynda áńgime órbimek.
Caspian Energy Summit forýmyna Eýropalyq odaq memleketteriniń birqatar basshylary men kompanııa ókilderi, Kaspıı-Qara teńiz aımaǵynyń elderi, Eýrokomıssııa jetekshileri, sonymen qatar Caspian European Club klýbyna múshe transulttyq kompanııalardyń tóraǵalary qatysady.
