Kaspıı porttary arqyly 1,6 mln tonna júk tasymaldandy

NUR-SULTAN. QazAqparat - 2020 jyldyń 9 aıynda Kaspıı porttary arqyly 1,6 mln tonna júk tasymaldandy, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń Telegram kanalynda jarııalanǵan aqparatqa sáıkes, 9 aıda Aqtaý jáne Quryq teńiz porttary arqyly júkterdi aýystyryp tıeý kólemi ótken jyldyń osyndaı kezeńindegi deńgeımen birdeı boldy. Degenmen, júk kólikteri men konteınerlerdi aýystyryp tıeýde birshama ósim baıqaldy.

«Otandyq saýda floty esepti kezeńde Kaspıı teńizindegi porttar arasynda 1,6 mln tonnadan astam júk tasymaldady. Onyń ishinde Aqtaý-Baký fıderlik jelisi arqyly shamamen 9,8 myń birlik konteıner jetkizildi. 9 aıda ishki sý joldary boıynsha júk tasymaldaý kólemi shamamen 1,4 mln tonnany qurasa, onyń shamamen 209 myń tonnasy Reseı baǵytynda tasymaldandy», - delingen mınıstrlik aqparatynda.