Kaspıı men Araldyń túbinde qundy zattar jatýy múmkin - professor
«Meniń oıymsha, esh nárseniń artyqshylyǵy bolmaıdy. Mysaly, Aral kezinde Kaspıımen birdeı bolyp jatqan. Ekeýi bir teńiz boldy. Sonda erte dáýirde Qytaıdyń Elshileri kelgende jerdiń sheti osy dep oılaǵan. Odan keıin atalǵan eki teńiz aıyryldy. Onyń ózinde talaı tarıx jatyr», - dedi Shyǵys Qazaqstan memlekettik ýnıversıtetiniń professor Sovetxan Igibaev QazAqparat tilshisine bergen suxbatynda.
Professordyń aıtýynsha, Ertis ózeniniń jaǵasyn da jan-jaqty zertteý kerek. Sebebi atalǵan ózenniń boıynda kóptegen eldi mekender men bekinister boldy. Al kóshpendi xalyqtar ózen arqyly qaıyqpen de, jylqyǵa minip te de ótip turdy.
«Qaıyqty jylqynyń quıryǵyna baılaıdy da ony sýǵa salyp jiberedi. Jylqy ony arǵy betke alyp shyǵady. Qazir Túrkııada sýdyń astynda kóptegen tarıxı jádigerlerdi taýyp jatyr ǵoı. Bizde de ondaı qundy zattar tabylýy ábden múmkin. Tabylýy múmkin az dúnıeiniń ózi - tarıxı derekter. Sondyqtan sýasty arxeologııany damytý qajet dep oılaımyn. Búginde bizde arxeologııanyń ondaı túri kenjeleý. Meniń oıymsha, ony bastaý qajet», - dep atap aıtty S.Igibaev.
Foto: profvesti.org
