«Kaspıı» men «Aqtóbe» teń nátıjege qanaǵat bildirdi

ASTANA. QazAqparat – Búgin fýtboldan premer-lıga komandalary arasyndaǵy el birinshiliginiń 17-týry máresine jetti, dep habarlaıdy QazAqparat tilshisi.

Atalǵan týrdyń ekinshi oıyn kúninde «Atyraý» óz alańynda Taldyqorǵan oblysynyń «Jetisý» komandasyna 0:1 esebimen jol berdi.

Al Aqtaýdyń «Kaspııi» men «Aqtóbe» 2:2 esebimen teń tústi.

29 shildede «Aqsý» «Shahterdi» 2:1 esebimen tize búktirse, elordalyq «Astana» Petropavlda «Qyzyljardan» 0:1 esebimen jeńilip qaldy.

Sondaı-aq taǵy bir kezdesýde «Qaısar» (Qyzylorda) men «Qaırat» (Almaty) 0:0 esebine qanaǵat bildirdi.

Atalǵan týrdyń 10 shildede aldyn ala ótkizilgen oıynynda «Oqjetpes» (Kókshetaý) «Ordabasy» (Shymkent) komandasyna 0:4 esebimen jol berdi.

Sondaı-aq «Maqtaaral» (Túrkistan oblysy) men «Tobyl» (Qostanaı) kezdesýi belgisiz merzimge keıinge qaldyryldy.

Endi 18-týr oıyndary 5 jáne 6 shilde kúnderi ótkiziledi.