Kaspıı máselelerin zertteıtin ǵylymı fılıal ashý usynyldy
ASTANA. KAZINFORM – Búgin Atyraý oblysyna jumys sapary aıasynda Qazaqstan Respýblıkasynyń Ekologııa jáne tabıǵı resýrstar mınıstri Erlan Nysanbaev Atyraý oblysynyń ákimimen, aýmaqtyq bólimshelerdiń basshylarymen, qoǵam belsendilerimen jumys kezdesýin ótkizdi.
Kezdesý barysynda atmosferalyq aýanyń lastanýy, ekologııalyq baqylaý, qaldyqtardy basqarý, tabıǵatty qorǵaý is-sharalary, Kaspıı teńiziniń qurǵaýy, kógaldandyrý jáne t.b. sııaqty problemalyq máseleler talqylandy.
Mınıstr óz sózinde iri kásiporyndardyń jaǵdaıdy ekologııalyq jaqsartýǵa baǵyttalǵan sharalardy kózdeıtin keshendi ekologııalyq ruqsat alýyna tolyǵyraq toqtaldy.
Usynystardyń biri aımaqty kógaldandyrýǵa úles qosatyn tuzdy alyp tastaýdy boldyrmaý maqsatynda Kaspıı teńiziniń qurǵaǵan túbine otyrǵyzý úshin qurǵaqshylyqqa tózimdi jáne tuzǵa tózimdi ósimdikterdi ósirýge arnalǵan pıtomnık qurý boldy.
Atyraý oblysynyń ákimi Serik Shápkenov QazǴZI-dyń Kaspıı teńizi máseleleri jónindegi fılıalyn ashý múmkindigin qarastyrýdy atap ótti, bul ekologııa máselelerine ǵylymı negizdememen jaqyndaýǵa, Aral teńiziniń qurǵaǵan tabany boıynsha bar tájirıbesin qoldanýǵa múmkindik beredi.
Kezdesý sońynda mınıstr zańnamanyń talaptaryn múltiksiz saqtaýǵa, «Taza Qazaqstan», «Zań jáne tártip» tujyrymdamasyn iske asyrýǵa, óńirdegi ekologııalyq jaǵdaıdy jaqsartý jóninde shuǵyl sharalar qabyldaýǵa nazar aýdardy.
