Kaspıı qubyry konsortsıýmy munaı eksportyn 11,8 paıyzǵa arttyrdy

ASTANA. QazAqparat - 2018 jyldyń qańtar-shildesinde Kaspıı qubyry konsortsıýmy 35,48  mln tonna munaı eksporttady, bul kórsetkish ótken jyldyń sáıkes kezeńinen 11,77 paıyzǵa joǵary, dep habarlaıdy QazAqparat.

Kaspıı qubyry konsortsıýmy málimetine qaraǵanda, bıylǵy shildede munaı eksporty 5,158 tonnaǵa jetti, al byltyr osy aıda bul kórsetkish 4,465 mln tonnany quraǵan edi. 

KQK qubyr júıesi - TMD aýmaǵyndaǵy sheteldik kapıtaldyń qatysýymen júzege asyrylǵan eń iri jobalardyń biri. Onyń Teńiz - Novorossıısk qubyr jelisi 1 511 kılometrge sozylyp jatyr. Osy marshrýt arqyly Qazaqstan eksporttaıtyn búkil munaıdyń úshten ekisi jiberiledi.  

Budan buryn habarlanǵandaı, bıyl Kaspıı qubyry konsortsıýmy 67 mln tonna munaı ótkizý josparlap otyr.

Sonymen qatar, 2018 jyly Kaspıı qubyry konsortsıýmy óz qyzmetine tarıfterdi ózgertpeıtini málim boldy.