Kaspıı qubyr jelisi konsortsıýmy munaı óndirý josparyn jarııalady
«Bizdiń josparymyz ádettegideı jahandyq sıpatqa ıe. 67 mıllıon tonnaǵa jýyq ótinim bar. Mundaı jaǵdaıǵa munaı óndirýshilerdiń bizge bul kólemdi qanshalyqty beretinine baılanysty. Biraq biz 67,5 mıllıon tonnalyq alǵashqy ótinimdi qabyldaýǵa daıynbyz», - dedi Nıkolaı Gorban Ortalyq kommýnıkatsııalar qyzmetindegi baspasóz máslıhatynda.
«QazMunaıGaz» AQ basqarma tóraǵasynyń orynbasary Danııar Berlibaevtyń aıtýynsha, kompanııa byltyr Qytaıǵa 12 mln tonna munaı eksporttaǵan.
«Biraq 2021 jyly Batys Qazaqstannan Qytaı baǵytyndaǵy bizdiń munaı qubyrynyń qýattylyǵy 20 mln tonna bolatynyn eskerýińiz kerek. Biraq baǵa jaǵdaıyna baılanysty bizge Qara teńiz naryǵy tıimdirek. Qytaı baǵytynda munaı Reseı arqyly jetkiziledi. Biz Reseıden Qytaıǵa 10 mıllıon tonnadan astam munaıdy Qazaqstan arqyly tranzıtpen tasymaldaımyz. Demek, bul jaǵdaı bizdiń ekonomıkamyzǵa da tıimdi. Meniń oıymsha, osy jyly da 12 mln tonnalyq kórsetkish ózgerissiz qalady», - dep qorytyndylady Danııar Berlibaev.
