Kaspıı qubyr konsortsıýmynyń jumysy jandana bastady
VPÝ-2 zaqymdanǵannan keıin áli paıdalanýǵa berilgen joq, dep málimdedi kompanııa ókilderi. Bul týraly QazAqparat Reseıdiń TASS agenttigine silteme jasap habarlaıdy.
«2022 jyldyń 23 sáýirinde KQK teńiz termınalynda VPÝ-3 jóndeý jumystarynan keıin paıdalanýǵa berildi. Aýa raıynyń qolaıly bolýy qysqa merzim ishinde súńgý jumystaryn júrgizip, sýasty qubyr manıfoldynyń túbin ashýǵa múmkindik berdi», - dedi kompanııadan.
VPÝ-2 naýryz aıynyń sońynda zaqymdalyp, ýaqytsha jumys istemeıdi. VPÝ-1 shtattyq rejımde qyzmet etip tur.
Eske salsaq, naýryz aıynyń sońynda Qara teńizdegi daýyldyń saldarynan Kaspıı qubyr konsortsıýmynyń qubyr júıesine zaqym keldi. Bul Qazaqstannyń munaı óndirý kólemi qysqarýyna alyp kelýi múmkin ekeni aıtyldy.
Keıin QR R Energetıka mınıstri Bolat Aqsholaqov Kaspıı qubyr konsortsıýmyndaǵy jaǵdaıdy baıandady.
«Júıedegi atalǵan aqaý kúrdeli bolǵandyqtan Kaspıı qubyr konsortsıýmy jumysyn ýaqytsha toqtatýǵa májbúr bolyp otyr», - dedi mınıstrlik.
