Kaspıı Qubyr konsortsıýmynyń jańa munaı aıdaý stantsııasy iske qosyldy

ASTANA. QazAqparat - Qazaqstan Respýblıkasy Parlamenti Senatynyń depýtaty Ǵumar Dúısembaev Atyraý oblysynyń Isataı aýdanyndaǵy Kaspıı qubyr konsortsıýmynyń Shyǵys aımaǵyndaǵy A-NPS-3A jańa munaı aıdaý stantsııasyn saltanatty iske qosý rásimine qatysty dep habarlaıdy Qazaqstan Respýblıkasy Parlament Senatynyń baspasóz qyzmeti. 

Saltanatty rásimge Kaspıı Qubyr konsortsıýmynyń Bas dırektory N.Gorban, Atyraý oblysynyń ákimi N.Noǵaev, aktsıoner-kompanııalar ókilderi qatysty.

Ǵ. Dúısenbaev stantsııany qosý saltanatynyń aldynda Qazaqstan Respýblıkasy Parlamenti Senatynyń Tóraǵasy Q.Toqaevtyń quttyqtaýyn oqydy.
 

 A-NPS-3A qosý arqyly Reseı men Qazaqstannyń, sondaı-aq jetekshi munaı óndirýshi kompanııalardyń qatysýymen munaı tasymaldaýǵa arnalǵan iri halyqaralyq ınvestıtsııalyq joba - Qazaqstan aýmaǵynda  Kaspıı qubyr konsortsıýmynyń keńeıtý jobasyn júzege asyrý aıaqtaldy.

 Qazaqstannan eksporttalatyn munaıdyń úshten ekiden astamy tasymaldanatyn Teńiz - Novorossıısk qubyrynyń uzyndyǵy  1511 shaqyrymdy quraıdy.