Kaspıı qubyr konsortsıýmynyń Qazaqstandaǵy aktsıonerlerine alǵash ret jekeleı dıvıdendter tólendi
Búginde KQK teńiz termınalynda munaı úzdiksiz tıelip, atap aıtqanda tankerge tıeý jumystary shtattyq rejımde júzege asyp jatqany atalyp ótti.
Sonymen qatar, taraptar Teńiz-Novorossıısk munaı qubyrynyń ótkizý qabiletin jylyna 82 mln tonna kómirsýtek shıkizatyna deıin arttyrýǵa baǵyttalǵan tar jerlerdi joıý baǵdarlamasyn iske asyrýdy aıaqtaý máselelerin talqylady.
Nıkolaı Gorban Álıhan Smaıylovqa KQK Qazaqstannan munaıdyń kóp kólemin jóneltýge mehanıkalyq turǵyda daıyn ekenin jetkizdi.
Atap aıtqanda, shilde aıynda eń iri jáne mańyzdy nysandardyń biri – Novorossıısk mańyndaǵy KQK teńiz termınalyndaǵy munaı kólemi men sapasy kórsetkishterin ólsheıtin jańa júıeniń qurylysy aıaqtaldy. Atalǵan júıe shıkizatty bir mezgilde úsh qurylǵydan aıdaýǵa múmkindik beredi, bul, óz kezeginde, kóktem jáne kúz kezinde qolaısyz aýa raıynan jumystyń toqtaǵanyn eskere otyryp, shıki munaı tasymaldaý kórsetkishterin ulǵaıtýǵa yqpal etpek.
Kezdesý barysynda Atyraý oblysyndaǵy KQK nysandaryn energııamen úzdiksiz jabdyqtaý, salyq salý jáne aktsıonerlerge dıvıdendter tóleý máseleleri qaraldy. Atap aıtqanda, bas dırektor QR Úkimet basshysyna 2023 jyldyń shilde aıynda Konsortsıým alǵash ret Qazaqstan Respýblıkasyndaǵy «KQK-Q» AQ aktsıonerlerine jekeleı dıvıdendterdiń tólengenin habarlady.
