Kaspıı qubyr konsortsıýmyndaǵy apat Qazaqstan eksportyna qalaı áser etti
«Qazan aıynda konsortsıýmdaǵy eki qondyrǵyny jóndeýdi aıaqtaý josparlanǵan bolatyn. Biraq aýa raıyna baılanysty bul jumystar toqtatyldy. Meniń oıymsha, aldaǵy eki-úsh kúnde teńizdegi №1 qondyrǵyny jóndeý jumystary aıaqtalady. Odan keıin birden ekinshi qondyrǵyny jóndeý bastalady. Ony jóndeý shamamen eki-úsh aptada aıaqtalady», - dedi Á. Smaıylov Senattyń otyrysynan keıingi baspasóz máslıhatynda.
Sonymen qatar Úkimet basshysy Kaspıı qubyr konsortsıýmyndaǵy apat elimizdiń munaı eksportyna qalaı áser etkenin aıtty.
«Qashaǵanda gaz bólý qondyrǵysyndaǵy apatqa baılanysty jóndeý júrgizilgenin, sondaı-aq Orynbor gaz óńdeý zaýytynda jóndeý jumystary júrgizilgenin eskersek, Qarashyǵanaq ken orny kómirsýtekter men gaz óndirýdi birshama qysqartty. Sondyqtan Kaspıı qubyr konsortsıýmyndaǵy atalǵan jóndeý jumystary eksporttyq múmkindikterge áser etken joq. ıAǵnı qansha ónim óndirsek, sol kólemdi eksporttadyq», - dedi Premer-Mınıstr.
Foto: svetland-oil.kz
