Kaspıı qubyr konsortsıýmy jumysynyń toqtaýy: Qazaqstannyń munaı óndirý kólemi qysqarady

NUR-SULTAN. QazAqparat - Qazaqstan OPEK+ boıynsha óz mindettemelerin óndirýdi qysqartý esebinen óteıdi. Bul týraly QazAqpaat Energetıka mınıstrligine silteme jasap habarlaıdy.

Kaspıı qubyr konsortsıýmyn qalpyna keltirý jumystarynyń jaǵdaıyna baılanysty aǵymdaǵy jyldyń sáýir aıynyń sońyna deıingi jóndeý kezeńinde Qazaqstannyń joǵalǵan óndiris kólemi shamamen táýligine 320 myń barreldi (1,3 mln ​​tonna) quraýy múmkin.

Bul qysqartý OPEK+ seriktesterimen ózara árekettesý aıasynda ótemaqy josparynyń bir bóligi retinde qarastyrylady.

Maýsym-shilde aılarynda NSOS obektilerinde kúrdeli jóndeý júrgizýdi eskere otyryp, Qazaqstan maýsym aıynyń sońyna qaraı OPEK+kelisimi sheńberinde óndirýdi shekteý boıynsha óz mindettemelerin tolyq óteıdi.

Eske salsaq, Qara teńizdegi daýyldyń saldarynan Kaspıı qubyr konsortsıýmynyń qubyr júıesine zaqym keldi. Onyń saldarynan Kaspıı konsortsıýmy arqyly munaı eksporty 3 ese tómendeýi múmkin.