Kaspıı qubyr konsortsıýmy munaı eksportyn ulǵaıtty

ASTANA. QazAqparat - Kaspıı qubyr konsortsıýmy (KQK) 2017 jylǵy qańtar-tamyz aılarynda 36,161 mln tonna munaı eksporttady. Bul 2016 jyldyń osy kezeńimen salystyrǵanda 28,78%-ǵa artyq, dep habarlaıdy konsortsıým baspasóz qyzmeti.

Bıylǵy jyldyń tamyz aıyndaǵy munaı eksporty 4,416 mln tonnany qurady. Kaspıı qubyr konsortsıýmy qubyr qurylysy jáne qazaqstandyq munaı eksportyn  Reseı aýmaǵy arqyly tasymaldaýǵa qurylǵan. KQK Batys Qazaqstan ken ornyn reseılik Qara teńiz jaǵalaýymen baılanystyratyn 1,5 myń kılometrden astam uzyndyqty qamtıtyn Teńiz-Novorossıısk munaı qubyryna ıe. Kaspıı qubyr konsortsıýmynyń 2016 jylǵy munaı eksportynyń jóneltilimi 44,298 mln tonnany qurap, 2015 jylǵy kórsetkishpen salystyrǵanda 3,6%-ǵa artty.