Kaspıı qubyr konsortsıýmy munaı tasymalyn ýaqytsha toqtatty
ASTANA. KAZINFORM – Kaspıı qubyr konsortsıýmy Teńiz termınaly aýmaǵyndaǵy meteorologııalyq jaǵdaıǵa baılanysty munaıdy tıeý ýaqytsha toqtatyldy.
— KQK Teńiz Termınaly aımaǵyndaǵy meteorologııalyq jaǵdaıǵa baılanysty konsortsıým 29 jeltoqsanda munaı tıeý jumystaryn ýaqytsha toqtatty. Daýyl basylǵannan keıin, tasymaldaý qaıta bastalady, - delingen Kaspıı qubyr konsortsıýmy baspasóz qyzmetiniń málimetinde.
Sonymen qatar sol kúni shıkizat qoımasynyń tolýyna oraı munaı qabyldaý da ýaqytsha toqtady. Bul turǵyda júk jóneltýshilerge termınaldaǵy jaǵdaı boıynsha habarlama joldandy.
Termınalda munaı tasymaldaýdy qalypty rejımge kóshirýge qatysty aqparat qosymsha habarlanady.
Eske salsaq, jeltoqsan aıynyń basynda QR Energetıka mınıstrligi Kaspıı qubyr konsortsıýmy (KQK) ınfraqurylymyna jasalǵan drondardyń shabýylynan keıin Qashaǵan ken ornynan óndiriletin munaıdyń eksporttyq baǵyttaryn qaıta qaraýǵa kiristi.