Kaspıı qubyr konsortsıýmy Qazaqstannan 56 mln tonna munaı tasymaldady
Kaspıı qubyr konsortsıýmynyń qubyrymen ótken jyly Qazaqstan Respýblıkasynyń aýmaǵynan 56 mln 051 myń 967 tonna, Reseı Federatsııasynan 7 mln 421 myń 927 tonna munaı tasymaldanǵan, dep habarlaıdy Kazinform.
Konsortsıýmnyń Telegram arnasyndaǵy málimetke qaraǵanda, byltyr Qara teńiz jaǵalaýyndaǵy termınaldan 63 mln 473 myń 894 tonna munaı jóneltilgen. Sóıtip, 2022 jylǵy kórsetkishten 4 mln 762 myń 749 tonnaǵa artqan.
«2023 jyldyń qarasha-jeltoqsan aılarynda qolaısyz aýa-raıyna qaramastan, konsortsıým tankerlerge munaı quıýdy birneshe ret toqtatýǵa májbúr boldy. Byltyrǵy jyly 578 tanker jóneltildi. Qubyrmen Qazaqstan Respýblıkasynyń aýmaǵynan CPC Blend markili 56 mln 051 myń 967 tonna, Reseı Federatsııasynyń aýmaǵynan 7 mln 421 myń 927 tonna munaı tasymaldandy», - dep habarlady konsortsıýmnyń baspasóz qyzmeti.
Kaspıı qubyr konsortsıýmynyń qubyr jelisimen munaıdyń eń úlken kólemi Qazaqstan aýmaǵynan tasymaldanǵan. Máselen, Atyraý oblysyndaǵy «Teńiz» ken ornynan 27 mln 463 myń 081 tonna, «Qashaǵan» ken ornynan 17 mln 897 myń 972 tonna munaı jetkizilgen. Al, Batys Qazaqstan oblysynyń aýmaǵyndaǵy «Qarashyǵanaq» tasymaldanǵan munaı – 9 mln 619 myń 452 tonna.
«Konsortsıýmnyń «Teńiz-Novorossıısk» munaı qubyrymen 2001 jyldan 2024 jylǵy 1 qańtarǵa deıin álemdik naryqqa 888 mln 076 myń 899 tonna munaı jetkizildi», -dep málim etti konsortsıýmnyń baspasóz qyzmetinen.
Eske sala ketelik, budan buryn «Teńiz-Novorossıısk» qubyrymen munaı tasymaldaý úsh kúnge nege toqtatylǵanyn habarlaǵan edik.
Keıin Kaspıı qubyr konsortsıýmy Qazaqstanǵa 3,9 mlrd teńge salyq tólegenin jazǵan bolatynbyz.
