Kaspıı qubyr konsortsıýmy Qazaqstannan 1 jylda 53,8 mln tonna munaı tasymaldady

ATYRAÝ. KAZINFORM – Kaspıı qubyr konsortsıýmynyń jelisimen byltyr Qazaqstandaǵy ken oryndarynan 53 mln 845 myń 589 tonna munaı tasylmaldanǵan.

Kaspıı qubyr konsortsıýmynyń baspasóz qyzmetiniń málimetine qaraǵanda, ótken jyly munaı tasymaldaıtyn 584 kemege 63 mln 9 myń 481 tonna munaı tıelgen. 

Bul qubyr jelisimen Qazaqstannyń batys óńirindegi 3 ken ornynyń munaıy tasymaldanady. Ken ornynyń ekeýi – «Teńiz» ben «Qashaǵan» Atyraý oblysynda, al «Qarashyǵanaq» kenishi Batys Qazaqstan oblysynda ornalasqan. 

– Byltyr konsortsıýmnyń qubyr jelisine munaıdyń kóp kólemi Qazaqstandaǵy 3 ken ornynan allyndy. Onyń ishinde «Teńiz» kenishinen 26 mln 819 myń 535 tonna, «Qashaǵan» ken ornynan 17 mln 209 myń 596 tonna, «Qarashyǵanaq» ken ornynan 9 mln 816 myń 458 tonna munaı tasymaldandy, -dep habarlady konsortsıýmnyń baspasóz qyzmeti. 

Sondaı-aq konsortsıýmnyń qubyr jelisimen 2001 jyldan 2024 jylǵy 31 jeltoqsan aralyǵynda álem naryǵyna 951 mln 86 myń 380 mln tonna munaı jetkizilgen. 

Eske sala ketelik, budan buryn «Qashaǵanda» shıki gazdy kóp jaqqan kompanııadan 3,5 mlrd teńge zalal óndiriletinin jazǵan edik.