Kaspıı qubyr konsortsıýmy Qazaqstanǵa 3,9 mlrd teńge salyq tóledi

Kaspıı qubyr konsortsıýmy 2023 jyldyń qarasha jáne jeltoqsan aıynda aktsıonerler qabyldaǵan sheshimge sáıkes aralyq dıvıdendterdi tóleý úshin kezekti transhty ótkizdi, dep habarlaıdy Kazinform.

Konsortsıýmnyń t.me/s/caspian_pipeline telegram arnasyndaǵy málimetke súıensek, baspasóz qyzmetinen málim etkendeı, aralyq dıvıdendter úshin qomaqty qarjy tólegen.

«Kaspıı qubyr kosortsıýmy-R» AQ dıvıdent úshin 2 mlrd rýbl salyq ustalǵannan keıin 26,050 mlrd rýbl mólsherinde tólem jasalǵan. 

«Al, «Kaspıı qubyr konsortsıýmy-K» AQ 93,5 mln AQSh dollary somasynda tólem jasady. Bul rette aktsıonerlik qoǵam Qazaqstan Respýblıkasynyń salyq organdary aldyndaǵy jalpy somasy 3,9 mlrd teńgeni tóledi», - dep habarlady konsortsıýmnyń baspasóz qyzmeti.

Eske sala ketelik, budan buryn «Teńiz-Novorossıısk» qubyrymen munaı tasymaldaý úsh kúnge nege toqtatylǵanyn habarlaǵan edik. 

Jeltoqsannyń 25-28 kúnderi munaıdy saqtaıtyn qoımalardyń tolǵanyna baılanysty «Teńiz-Novorossıısk» qubyrymen tasymaldaý toqtatylǵan. Sondaı-aq 22-26 jeltoqsan aralyǵynda Qara teńizde qatty jeldiń saldarynan tolqyn kóterilgen. Soǵan baılanysty termınalda tankerlerge munaıdy aýystyryp tıeý tolyǵymen toqtady. 

Termınalda munaıdy tıeý, jóneltý, qubyrmen munaı tasymaly 28 jeltoqsanda qaıta jalǵasty.