Kaspıı qubyr konsortsıýmy arqyly munaı jóneltýde shekteý joq – Energetıka mınıstrligi
ASTANA. KAZINFORM – Elimizdiń Energetıka mınıstrligi Kaspıı qubyr konsortsıýmy qyzmetine qatysty taǵy túsinik berdi.
- Qazaqstan Respýblıkasy Energetıka mınıstrligi Kaspıı qubyr konsortsıýmy (KQK) júıesine qazaqstandyq munaıdy qabyldaýǵa qazir eshqandaı shekteý joq ekenin habarlaıdy. Munaı jóneltý bekitilgen kestege sáıkes jumys istep turǵan VPÝ-3 qondyrǵysy arqyly qalypty rejımde júzege asyrylyp jatyr, - delingen mınıstrliktiń baspasóz qyzmeti taratqan habarlamada.
Sondaı-aq atalǵan vedomstvo máseleni baqylaýda ustap, qazaqstandyq munaıdyń úzdiksiz eksporttalýyn qamtamasyz etý maqsatynda barlyq múddeli tarappen turaqty ózara is-qımyl jasap jatqanyn málimdep otyr.
Buǵan deıin Kaspıı qubyr konsortsıýmyna dron shabýylynan keıin munaı aıdaý stantsııasyn qalpyna keltirip jatqany týraly habarlaǵan edik.
Eske salaıyq, bıyl 17 aqpanda atalǵan munaı aıdaý stansasyna dronmen shabýyl jasaldy.
Sondaı-aq Qazaqstan atalǵan máseleni Ýkraınamen talqylaıtyny aıtyldy.