Kaspıı kólik júıesi jobasyn júzege asyrý merzimi ózgerýi múmkin

Bul týraly búgin Úkimet basshysy K.Másimovtiń qatysýymen ótken «Samuryq-Qazyna» ulttyq ál-aýqat qory basqarmasynyń keńeıtilgen keńesi barysynda «QazMunaıGaz» UK» AQ prezıdenti Qaıyrgeldi Qabyldın málim etti.

Kaspıı kólik júıesi jobasy boıynsha ótken jyly frantsýzdarmen arada memorandýmǵa qol qoıylǵandyǵyn eske salǵan kompanııa basshysy, «qazirgi ýaqytta jobanyń barlyq tehnıkalyq-ekonomıkalyq kórsetkishterin anyqtadyq», dedi.

Alaıda shildeniń 27-inde Qashaǵan jobasyna qatysýshy 6 kompanııa ókilderi elimizdiń Munaı jáne gaz mınıstrine jobanyń 2-shi kezeńin júzege asyrý merzimin 2018-2019 jyldarǵa aýystyrylatyndyǵy týrasynda aqparat usynǵan. Osyǵan oraı Q.Qabyldınniń pikirinshe, Kaspıı kólik júıesi jobasynyń júzege asyrylý merzimi ózgermek.

Aıta keteıik, Qashaǵanda munaı óndirý merzimi birneshe ret ózgergen bolatyn. Italıandyq Eni bastaǵan sheteldik kompanııalar konsortsıýmy kommertsııalyq munaı óndirýdi 2008 jyly júzege asyrýǵa nıettenip, keıin merzimin 2011 jylǵa ózgertken edi. Qazaqstan Kaspıı kólik júıesi jobasynyń júzege asyrylýy Kaspıı teńizindegi ken oryndarynan əlemdik naryqqa shyǵarylatyn munaı kóleminiń ulǵaıýyna yqpal etedi.