Kaspıı ıtbalyqtarynyń sanaǵy nelikten keıinge qaldyryldy
«Kompanııa Búkilreseı balyq sharýashylyǵy jáne muhıttaný ǵylymı-zertteý ınstıtýtymen yntymaqtastyqta Soltústik Kaspııdegi ıtbalyqtardyń sanyn anyqtaý boıynsha birlesken zertteýlerdi bastamaq bolǵan. Reseıdiń zerthana-ushaǵy jumyldyrylýy tıis edi. Eki memlekettiń baqylaý organdarynan onyń ushýyna, ıtbalyqtardy esepteýdiń biryńǵaı mýltıspektraldy ádisi boıynsha avıatúsirilimderdi oryndaýǵa qajetti ruqsattardyń barlyǵy alynǵan. Bul ádiske sáıkes, kaspıılik ıtbalyqtar popýlıatsııasynyń sanyn esepteýdi teńizdiń reseılik jáne qazaqstandyq aýmaqtarynda bir mezgilde júrgizý qajet etiledi. Eki tarap ta zerthanalyq ushaqta jumystardy júrgizýge daıyn boldy. Alaıda, zertteýler bastalar aldynda áýe qozǵalysyn basqarý dıspetcherinen jumystar toqtatylatyny týraly habar keldi. Oǵan sebep - Kaspııdiń qazaqstandyq akvatorııasynda jospardan tys kópkúndik oqý-jattyǵýlardyń bastalýy. Qys jyly bolyp, Soltústik Kaspııdegi muz jamylǵysynyń jyldam juqarýy jáne ıtbalyqtardyń erte tóldeýine baılanysty, zertteýdi keıinge shegerý múmkin bolmady», - dep málim etti kompanııanyń baspasóz qyzmetinen.
Kompanııanyń habarlaýynsha, biryńǵaı mýltıspektraldy ádispen avıatúsirilimderdi ótkizý kelesi jyldarǵa qaldyryldy.
Avtor: A. Sokolov