Kaspıı ıtbalyǵynyń kóbeıýi turǵysynda qaýip joq - Balyq sharýashylyǵy komıteti
ASTANA. Qańtardyń 14-i. QazAqparat /Rýslan Ǵabbasov/ - Bıoresýrstardy úlestirý boıynsha Qazaqstan 5 myń 400 bas ıtbalyqty aýlaýǵa quqyly.
Bul týral búgin Astanada ótken baspasóz máslıhatynda Aýyl sharýashylyǵy mınıstrligi Balyq sharýashylyǵy komıtetiniń tóraǵasy ıÝrıı Romashov málim etti, dep habarlaıdy QazAqparat.
Ókinishke qaraı ıtbalyqtardyń ólimi jyl saıyn kezdesip otyrǵanyna toqtalǵan ıÝ. Romashov, «2000 jyly 10 myńǵa jýyq ıtbalyq ólgen bolatyn. Sonda halyqaralyq jáne elimizdiń sarapshylary shaqyrylyp, bunyń sebebi et qorektilerdiń obasyna baılanysty ekeni anyqtaldy. Sondaı-aq jyl saıyn shamamen 200-300 bas ólgen ıtbalyqtar anyqtalyp otyrady», dedi.
Onyń sózine qaraǵanda, ótken jyly 237 ólgen ıtbalyq tabylǵan.
«Osyǵan baılanysty turaqty zertteýler júrgiziledi. Osy zertteýler ıtbalyqtardyń sany bizde qaterli deńgeıde emes ekenin kórsetip otyr», dedi Orıı Romashov.
Onyń aıtýynsha, bıoresýrstardy úlestirý boıynsha Qazaqstan 5 myń 400 bas ıtbalyqty aýlaýǵa quqyly. Onyń ishinde 1 myńǵa jýyǵy olardyń kúshikterin aýlaýǵa ruqsat etilgen.
«Keńes Odaǵy ydyraǵannan keıin Qazaqstan birde-bir bas ıtbalyqty áli aýlaǵan joq. Endi aýlaýǵa ruqsat etilgen lımıt pen jyl saıyn tabylatyn 200-300 bas ólgen ıtbalyqty salystyrǵanda búginde osy másele boıynsha Kaspıı ıtbalyǵynyń kóbeıýi turǵysynda qaýip joq», dedi komıtet tóraǵasy.
