Kaspıı ıtbalyǵy Qazaqstannyń Qyzyl kitabyna engizilmek

NUR-SULTAN. QazAqparat –Kaspıı ıtbalyǵy Qazaqstannyń Qyzyl kitabyna engizý máselesi qarastyryldy. Bul týraly QazAqparat Ekologııa, geologııa jáne tabıǵı resýrstar mınıstrliginiń orman sharýashylyǵy men janýarlar dúnıesi komıtetiniń baspasóz hatshysy Sáken Dildahmetke silteme jasap habarlaıdy.

2020 jylǵy 24 shildede Qazaqstan Respýblıkasy Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetinde vıdeokonferentsııalyq baılanys arqyly «Gıdrobıologııa jáne ekologııa ınstıtýty» men «Ortalyq Azııalyq ekologııalyq zertteýler ınstıtýty» JShS ókilderiniń qatysýymen balyq sharýashylyǵy máseleleri jónindegi Vedomstvoaralyq zoologııalyq komıssııanyń otyrysy ótti.

«Komıssııa otyrysynda kaspıı ıtbalyǵyn (Pusa Caspica) ósimdikter men janýarlardyń sırek kezdesetin jáne quryp ketý qaýpi tóngen túrleriniń tizbesine engizý usynysy qoldaý tapty.

Itbalyqtardy qorǵaýǵa yqpal etý úshin jáne bolashaqta erekshe qorǵalatyn tabıǵı aýmaq qurýǵa mańyzdy bastamalardyń biri bolmaq. Qazirgi ýaqytta kaspıı ıtbalyǵy basqa Kaspıı mańy memleketteriniń Qyzyl kitabyna engizilgen», - dedi Sáken Dildahmet .