Kaspıı ıtbalyqtarynyń qyrylýyna Qashaǵan kenishindegi jobanyń qatysy bar ma – mınıstr jaýaby

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Májilis kýlýarynda Kaspıı ıtbalyqtarynyń qyrlýy týraly pikir bildirdi.

«Iá, 298-deı bas ıtbalyqtyń óligi tabyldy. Qazirgi kezde denesinen kerekti materıaldyń bárin alyp, búgin sol zertteý jumystary júrip jatyr. Biz óz jaǵymyzdan sol ıtbalyqtardyń tabylǵan jerinen jaǵalaýdaǵy sý synamalaryn aldyq. Jaqyn arada nátıjesi shyǵady. Sosyn bilemiz, sebebi nede ekenin. Ázirge bári laboratorııalyq zertteýde», - dedi mınıstr.

«Kaspıdegi ıtbalyqtardyń qyrylýy Qashaǵan ken ornyndaǵy joba bastalǵaly jıilep ketti deıtin pikirler bar. Ondaı nusqany qarap jatyrsyzdar ma?» - dep surady jýrnalıst.

Mınıstrdiń sózinshe, ázirge ondaı nusqa qaralyp jatqan joq.

«Olaı tike aıtýǵa bolmaıdy. Bárin analız kórsetedi. Sýdyń analızi bar, bul joly denesine, asqazanyna, tyrnaqtaryna deıin bárin alyp ketti. Durystap qaraımyz. Men qazir ondaı versııany aıta almaımyn. Versııa kóp qoı. Naqty analız shyqqannan keıin ǵana aıta alamyz», - dedi Erlan Nysanbaev.

Eske sala keteıik, buǵan deıin Mańǵystaýda ıtbalyqtarmen qosa bekire tuqymdas balyqtar men sý qustary da qyrylyp jatqanyn habarlaǵan bolatynbyz.