Kaspıı ıtbalyǵynyń popýlıatsııasyn saqtaý rezervaty qurylady
Qazaqstanda ıtbalyqtardy saqtaýǵa arnalǵan memlekettik rezervat qurylady. Bul týraly Ekologııa jáne tabıǵı resýrstar mınıstri Erlan Nysanbaev málim etti, dep habarlaıdy Kazinform.
«Kaspıı ıtbalyǵynyń popýlıatsııasyn saqtaý úshin Mańǵystaý oblysynda memlekettik tabıǵı rezervat qurý qarastyrylǵan. 2023 jyldyń sáýirinde jaratylystaný-ǵylymı jobasy bekitildi. Onyń negizinde qazir tehnıkalyq-ekonomıkalyq negizdeme ázirlenýde. Nátıjesin jyl sońynda alamyz. Memlekettik rezervat 2024 jylǵy maýsymda qurylady», - Erlan Nysanbaev Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, mınıstr ıtbalyqtar men balyqtardyń qyrylýy týraly aıtty.
«Itbalyqtar men balyqtardyń qyrylý sebebin anyqtaý maqsatynda balyqty qorǵaý ınspektsııasy jaraqtandyryldy. Bul úshin bıyl respýblıkalyq bıýdjetten 1,9 mlrd teńge bólindi. Bólingen qarajat sheńberinde jyl sońyna deıin teńiz kemesin satyp alý josparlanýda. Sondaı-aq, jyl sońyna deıin avtokólikter, qaıyqtar, ushý apparattary, túngi kórý quraldary jáne baılanys pen navıgatsııa quraldaryn satyp alý josparlanýda», - deıdi ol.
