Kaspıı gazy jańa ázirbaıjan-túrik gaz qubyry arqyly Eýropaǵa jetkiziledi
BAKÝ. 26 jeltoqsan. QazAqparat /Berik Hamıdov/ - Búgin Ázirbaıjan men Túrkııa «Shah-Dengız 2» kenishinde óndiriletin ázirbaıjan gazyn Túrkııa aýmaǵy arqyly Eýropaǵa jetkizý úshin gaz qubyryn salý úshin konsortsıým qurý jóninde ózara túsinistik týraly memorandýmǵa qol qoıdy.
Memorandýmǵa eki eldiń energetıka mınıstrleri Natık Álıev pen Taner Iyldyz qol qoıdy.
Trans Anadolu (TANAP) jańa gaz qubyry qurylysy týraly memorandýmǵa qol qoıylǵannan keıin taraptar arasynda jobanyń quny jáne qurylysty aıaqtaý merzimi týraly kelissózder bastalady.
Gaz qubyry 2011 jyly qazanda Túrkııa men Ázirbaıjan arasyndaǵy «Shah Dengız 2» kenishinen ázirbaıjan gazyn Eýropaǵa jetkizý úshin qol qoıylǵan kelisim negizinde salynatyn bolady.
Bul gaz qubyry Ázirbaıjannan Túrkııa aýmaǵy arqyly Bolgarııaǵa gaz jetkizedi.
Konsortsıýmnyń quryltaıshylary - SOCAR (Ázirbaıjan memlekettik munaı-gaz kompanııasy), túriktiń memlekettik Botas qubyr operatory jáne túriktiń Turkiye Petrolleri AO munaı kompanııasy. Budan ári konsortsıýmǵa basqa da halyqaralyq munaı-gaz kompanııalary qosyla alady, delingen habarlamada.
