«Kaspıı» fýtbol klýbynda 4 adam jumysqa kelmeı, jalaqy alyp otyrǵan

AQTAÝ. KAZINFORM — Mańǵystaý oblystyq dene shynyqtyrý jáne sport basqarmasynyń burynǵy basshysy Qanat Jumabaevqa 3 mln teńge kóleminde aıyppul salyndy.

Basqarmanyń eks-basshysyna qatysty qozǵalǵan qylmystyq is aıaqtaldy.

Oǵan jaza retinde 2 917 000 teńge qarjyny memleketke tóleý mindetteldi.

Mańǵystaý oblystyq sotynyń baspasóz qyzmetiniń málimetinshe, sot alqasy basqarmada jumys istegen taǵy bir laýazym ıesine 2 333 600 teńge kóleminde aıyppul salyp, ómir boıyna basshylyq qyzmet atqarý quqyǵynan aıyrǵan.

«Laýazymdy tulǵa basshylyq qyzmette jumys istep júrgende „Kaspıı“ fýtbol klýbyna 4 adamdy jumysqa alǵan. Alaıda menedjer, komendant, ınspektor sekildi qyzmet atqarýy tıis adamdar jumys kelmeı, aılyq eńbekaqysyn zańsyz alyp otyrǵan. Sonyń aldarynan memleketke 2 090 189 teńge zalal keldi», - dep jazylǵan oblystyq sottyń habarlamasynda.