«Kaspıı» fýtbol klýbyna jańa bas bapker taǵaıyndaldy
ASTANA. KAZINFORM — Jankúıerlerge jaqsy tanys maman Rýslan Esatov qaıtadan «Kaspıı» (Aqtaý) komandasy tizginin ustady. Bul jóninde komandanyń baspasóz qyzmeti málim etti.
Rýslan Esatov 1984 jyly 31 qazanda dúnıege kelgen. Fýtbolshy mansabynda 2004-2019 jyldar aralyǵynda «Jambyl», «Taraz», «Gornıak» (Hromtaý), «Kaspıı» (Aqtaý), «Asbest» (Qostanaı oblysy), «Lashyn» (Jambyl oblysy), «Qaısar» (Qyzylorda), «Jetisý» (Taldyqorǵan), «Atyraý», «Maqtaral» (Túrkistan oblysy) komandalarynda oınady.
2019 jyldan beri bapkerlik qyzmetinde «Maqtaral», «Taraz-Qarataý» klýbtarynyń tizginin ustaǵan edi.
Rýslan Esatovtyń jetekshiligimen ótken maýsymda «Kaspıı» Birinshi lıga chempıony atanyp, Premer-lıgaǵa joldama aldy.
Al Ashat Qusaıynov «Kaspııdiń» bas bapkerdiń kómekshisi qyzmetine qosyldy.
Aıta ketsek, budan buryn aqtaýlyq klýbta bas bapker qyzmetin atqarǵan Erlan Shoıtymov endi Pavlodardyń «Ertis» komandasyna jetekshilik jasaıdy.
