«Kaspıı» fýtbol klýby eki jyldan keıin Premer-lıgaǵa oraldy

ASTANA. KAZINFORM - Aqtaýlyq «Kaspıı» eki jyldyq úzilisten keıin Qazaqstan Premer-lıgasyna qaıta oraldy.

Búgin fýtboldan Birinshi lıgada HHІІІ týrynda aqtaýlyq klýb óz alańynda «Aqtóbe-2» komandasyn qabyldady. Kezdesý barysynda olar qarsylas qaqpasyna úsh gol soqty. Ony Baqdáýlet Kóńlimqos 35, Berik Aıtbaev 48, Álıhan Serikbaı 92-mınýtta óziniń enshisine jazdy. Oǵan aqtóbelik klýb bir golmen jaýap qaıyrdy. 

Nátıjesinde «Kaspıı» qarsylasynan 3:1 esebimen basym tústi.

Osylaısha «Kaspıı» týrnır kestesinle 59 upaımen birinshi orynda tur. Nátıjesinde olar Premer-lıga joldamasyn úsh týr buryn qaltaǵa basyp úlgerdi.

Sondaı-aq búgin óskemendik «Altaı» óz alańynda almatylyq «Han táńiri» komandasyn 3:0 esebimen jeńse, Túrkistan oblysynyń «Jetisaıy» (Túrkistan oblysy) almatylyq AKAS klýbyn 2:1 esebimen súrindirdi.

Bul týrdy «Taraz» ben «Qaırat-2» (Almaty) komandalary túıindeıdi.

Aıta ketsek, 25 qyrkúıekte Pavlodardyń «Ertisi» astanalyq «SD Family» komandasyn 7:2 esebimen qapy qaldyrsa, Shymkenttiń «Akademııa Ońtústigi» qaraǵandylyq «Shahterge» 0:2, «Túrkistan» Pavlodar oblysynyń «Ekibastuzyna» 1:2 esebimen ese jiberdi.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysý úshin tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.