Kaspıı baılyǵyn zańsyz aýlaǵandar ustaldy

ASTANA. QazAqparat - Kaspıı teńizindegi brakonerlik is-qımylǵa qatysty birikken jedel-saýyqtyrý is-sharasynyń ІІ kezeńi jalǵasýda. Ótken táýlik ishinde qazaqstandyq teńiz shekarashylary birneshe brakonerlerdi ustap, olardan birneshe baǵaly tuqymdy balyqtardy, sondaı-aq balyqshy quraldaryn tárkiledi, dep habarlaıdy QazAqparat UQK Shekara qyzmetiniń málimetterine silteme jasap.

Naqtyraq aıtqanda, shekara saqshylary teńiz betinde zańsyz túrde balyq aýlap júrgen qazaqstandyq 7 azamatty ustady. Nátıjesinde olardan 5 dana shaǵyn júzý quraldary - 2 «Býdary», 1 «Baıda», 1 «Kazanka» dep atalatyn motorly qaıyq túrleri men 1 rezına qaıyq tárkilendi.

Sondaı-aq, 36 dana bekire balyǵy men uzyndyǵy 5000 metrge sozylǵan balyq aýlaıtyn tor tárkilendi.

Joǵaryda atalǵan jedel-saýyqtyrý is-sharasynyń ІІ kezeńi jalǵasýda.