Kaspıı balyqtary vırýsqa tekserile bastady
ASTANA. QazAqparat - Ázirbaıjan bıligi Kaspıı teńizindegi tikendi balyqtarǵa vırýs juqqan bolýy múmkin degen kúdikpen, atalǵan balyqtarǵa zertteý júrgize bastady. Bul týraly jýrnalısterge eldiń Ekologııa jáne tabıǵı resýrstar mınıstri Gýseıngýlý Bagırov málim etti, dep habarlaıdy Day.Az.
Mınıstrdiń aıtýynsha, zertteý jumystary ázirge eshqandaı nátıje bergen joq. Sondaı-aq ol tikendi balyqtardyń jappaı aýrý juqtyryp jatqanyn joqqa shyǵaryp otyr. Bagırovtyń pikirinshe, qazirgi kezde Kaspıı teńiziniń basty problemasy onyń bıoresýrstarynyń joıylyp bara jatqanymen tyǵyz baılanysty.
«Prezıdent Ilham Álıev Kaspııdiń mártebesi boıynsha sammıtte bekire tuqymdas balyqtardy óndiristik maqsatta aýlaýǵa qatysty moratıroııdi quptady. Alaıda, Kaspıı basseıni elderi atalǵan máselege qatysty kelissózder júrgizip kele jatqanymen, ázirge nátıje bermeı tur. Ázirbaıjan atalmysh moratorııdiń sharttaryn birjaqty ustanyp keledi», - dedi ol.
Eske salsaq, buǵan deıin Mazandaran provıntsııasynyń Veterınarlyq basqarmasynyń bastyǵy Medjıd Bahtııarı «kaspıı tikendi balyǵy vırýs juqtyryp jatyr, sondyqtan balyqtyń bul túrin tutyný densaýlyqqa zııandy» dep málimdegen bolatyn.
