Kaspi.kz qosymshasy arqyly Túrkııada zardap shekkenderge qarajat aýdarýǵa bolady

ASTANA. QazAqparat – Kaspı bank Túrkııada zilzaladan zardap shekkenderge kómek aýdaratyn shot ashty, dep habarlaıdy QazAqparat Bankke silteme jasap.

«Apattan zardap shekken túrkııalyqtarǵa kómekti Kaspi.kz qosymshasy arqyly aýdara alady. Ol úshin tómendegi shottardy tańdaý kerek: Tólemder – Qaıyrymdylyq - Ulttyq volonterlik jeli Túrkııadaǵy jer silkinisinen zardap shekkenderge gýmanıtarlyq kómek. Ekinshi joly: Tólemder – Qaıyrymdylyq – Túrkııa Halqyna Járdem qarajat Túrkııadaǵy AFAD qoryna jiberiledi. Bul eki esep-shot ta óte senimdi», - delingen banktiń habarlamasynda.

Birinshisi, «UVJ» ZTB jumysyn QR Aqparat jáne qoǵamdyq damý mınıstrligi úılestirip otyr. Kaspi.kz arqyly kómek aýdarý da mınıstrliktiń tikeleı usynysymen búgin shuǵyl ashylǵan.

Ekinshi, shot Qazaqstandaǵy Túrkııa elshiliginiń usynysymen «Járdem naýqany» aıasynda búgin shuǵyl iske qosyldy.

«Kómek aýdarymyn jasaý óte ońaı. Kaspi.kz – Qaıyrymdylyq - joǵarydaǵy eki qordyń birin tańdap, 100 teńgeden bastap kez kelgen kólemdegi qarajatty aýdara alasyz. Kómek qarjy túgelimen, komıssııasyz sanaýly sekýndta uıym shotyna túsedi», - dep tolyqtyryldy habarlama.

Aıta keteıik, Túrkııadaǵy jer silkinisinen qaza bolǵandar sany 12,3 myńnan asty, 62 914 adam jaraqat aldy. Halyqty ornalastyrý úshin 70 818 shatyr tigilgen.

Qazaqstan qutqarýshylarynyń ekinshi toby Gazıantep qalasyna jetti.

Bul ushaq qaıtar jolda Qazaqstan men Qyrǵyzstannyń 64 azamatyn evakýatsııalady.

Memleket basshysy Qasym-Jomart Toqaev Tótenshe jaǵdaılar mınıstri ıÝrıı Ilınniń esebin tyńdap, Túrkııada jumys istep jatqan Qazaqstan qutqarýshylaryna sáttilik tiledi.

Sondaı-aq qazaqstandyqtar Túrkııada zardap shekkenderge kıiz úı alýǵa 18 mln teńge jınap berdi.

Qazaqstandyq Sabına Mamadıarova men olardyń túrik dosy Kýbılaı Keskın tabylǵan edi. Sabınanyń qoly synǵan jáne aýrýhanaǵa jetkizildi.