Kaspi bank táýekel menedjmentin kúsheıtý úshin jańa tehnologııalar engizýde
ALMATY. Qarashanyń 17-si. QazAqparat /Erlik Erjanuly/ - Kaspi bank nesıe táýekelderin baǵalaý, olardyń sáıkestigin, nesıe qorjyny men derekter bazasyn taldaý monıtorıngin baqylaǵan kezde ishki úlgilerdiń tıimdiligin arttyrý úshin jańa qural-jabdyqtar aldy,
dep habarlaıdy QazAqparat banktiń baspasóz qyzmetine silteme jasap.
«Bólshek bıznesti damytý - bizdiń strategııalyq basymdyǵymyz. Al ol aldyńǵy qatarly tehnologııalardy durys paıdalanǵanda ǵana múmkin bolady. Olar qazaqstandyqtarǵa álemdik sapadaǵy ónimderdi bere otyryp, táýekelderdi belsendi túrde baqylaýymyzǵa múmkindik beredi. Biz baǵdarlamalyq qamsyzdandyrýdyń túrli jetkizýshileriniń múmkindikterin uzaq taldaǵannan keıin SAS tuǵyrnamasyn tańdadyq. Ony satyp alýymyzdyń negizgi sebebi SAS-tyń joǵary bedeli men sheshý keshendiligi boldy», deıdi kaspi bank Basqarma tóraǵasy Mıhaıl Lomtadze. Onyń aıtýynsha, bul jobany «GloýBaıt Konsaltıng» kompanııasy júzege asyrdy. Birneshe jyldar boıy táýekel-menedjmenti men klıenttik taldaý máselelerinde SAS ónimderin qoldanýǵa mamandandyrylǵan bul kompanııa baǵdarlamalyq qamsyzdandyrý salasyndaǵy álemdik jetekshi kompanııanyń TMD aımaǵyndaǵy kúmis seriktesi sanalady.
