Kaspi bank ǵımaratyndaǵy oqıǵa: Qarýly adammen kelissóz júrip jatyr

ASTANA. QazAqparat – Kaspi banktiń baspasóz qyzmeti Astanadaǵy bank ǵımaratynda qyzmetkerlerdi ustap otyrǵan qarýly kúdiktige qatysty oqıǵanyń mán-jaıyn málim etti, dep habarlaıdy QazAqparat tilshisi.

«Qazirgi ýaqytta bólimshede tek bank qyzmetkerleri ǵana, klıentter joq. Tártip saqshylary qyzmetkerlerdi qorqytqan er adammen kelissóz júrgizip jatyr. Polıtsııa men banktiń barlyq kúshi eshkimniń zardap shekpeýin qamtamasyz etýge baǵyttalǵan. Kez kelgen aqparatty taratýǵa jaýapkershilikpen qaraýǵa jáne quqyq qorǵaý organdarynyń jumysyna kedergi keltirmeýdi suraımyz. Kez kelgen qate aqparat jaǵdaıdyń shıelenisýine ákelýi múmkin», - dep málim etti banktiń baspasóz qyzmetinen.

Buǵan deıin habarlaǵanymyzdaı, elordadaǵy Kaspi banktiń ǵımaratynda qarýlanǵan er adam uıym qyzmetkerlerin kepilge aldy.