«Kaspi bank» bankrottyq jaıynda jalǵan aqparatty taratýshylardy tapqandarǵa 100 mln. teńge bermek
ASTANA. QazAqparat - «Kaspi bank» bankrottyǵy jaıynda jalǵan aqparat taratqan bastamashyny anyqtaý úshin atalǵan bank 100 mln. teńge kóleminde syıaqy taǵaıyndady. Bul týraly osy banktiń Facebook jelisindegi resmı paraqshasynda habarlandy.
«Sońǵy kúnderi Qazaqstan turǵyndary úsh banktiń bankrottyǵy jaıynda kúdikti mazmundaǵy SMS-habarlamalar alyp jatyr. Atalǵan másele boıynsha kez-kelgen aqparatty myna crowdsourcing@kaspibank.kz poshtaǵa jiberińizder», delingen habarlamada.
Sonymen qatar, bank ókilderi atalǵan arandatýshylyq is-qımyldyń jaı-japsaryn anyqtap, bastamashylardy zańnama aıasynda jaýapkershilikke tartýǵa nıetti ekendikterin alǵa tartýda.
