Kasperskıı kompanııasy júıelik baǵdarlama men antıvırýstyń jańa nusqalaryn shyǵardy

dep habarlaıdy QazAqparat.

Bul júıeniń burynǵy nusqasynan kóp aıyrmashylyqtary bar. Onda baǵdarlamalar belsendiliginiń monıtorıngi engizilgen. Ol júıedegi barlyq jumystardy qadaǵalap, tirkep jáne saraptap otyrady. Sonymen qatar, KIS 2011-de qaýip týdyratyn veb-saıttar týraly aqpar berip otyrady jáne kúdikti, qaýipti resýrstarǵa kirip ketpeý úshin óz-ózinen qulyptalady.

Bul jańa nusqada ata-analyq qadaǵalaýǵa da asa mán berilgen. Endi úlkender balalardyń kompıýterdi paıdalaný ýaqytyn shektep qana qoımaı, olardyń nemen aınalysyp otyrǵanyn da bile alady. Ol úshin arnaıy ınternet peıdjerler qoldanýmen qatar, áleýmettik jelimen de baılanysqa shyǵý múmkindigi qarastyrylǵan.

Kaspersky Internet Security 2011 men Kasperskıı Antıvırýsy 2011-de ınterfeıstiń jańa bólimi paıda boldy. Windows jumys ústeliniń Gadjeti negizgi fýnktsııalarmen tikeleı ári tez qyzmet etýge múmkindik beredi. Onyń kómegimen kompıýterdiń qaýipsizdik deńgeıin bilýge jáne skanerleý qyzmetin tez qosýǵa bolady.

«Jańa júıeni shyǵara otyryp kompanııamyz aldyna baǵdarlamany jańartý ǵana emes, áldeqaıda jańa dúnıe usynýdy maqsat etip qoıǵan-dy. Biz bul maqsatymyzdyń oryndalǵanyna qýanyshtymyz. Endi bizdiń tutynýshylar jańa júıedegi paıdaly qyzmetterdiń arqasynda óz kompıýterlerindegi ózgeristerdi bilip otyrady jáne ózindik jeke málimetteriniń qaýipsizdigine senimmen qaraıtyn bolady», deıdi «Kasperskıı zerthanasynyń» Bas dırektory Evgenıı Kasperskıı.

Jańa júıelik baǵdaramanyń satylymy Qazaqstan men Ózbekstanda jáne basqa da Ortalyq Azııa memleketterinde qyrkúıektiń basynda bastalady.