«Kasperskıı» antıvırýstyq kompanııasy jańa óniminiń tusaýkeserin ótkizdi

dep habarlaıdy QazAqparat.

Kompanııanyń aımaqtyq saýda bóliminiń dırektory Vasılıı Dııagelev qazirgi ýaqytta sandyq tehnologııa kúndelikti ómirge etene enip, onyń ajyramas bóligine aınalǵanyn aıtady. «Ǵalamtor jumysy jedeldetilip, arzandaýyna baılanysty bizge elektrondy poshta jáne taǵy basqa blogtarsyz jumys isteý qıyndaý. Jelide jumys isteý jyldan-jylǵa damyǵan saıyn onda vırýstar da kóptep oryn alýda. Keıde sol vırýsardyń áserinen kompıýterimizde jınaqtalǵan kóptegen dúnıeler joǵalyp ketip jatady. Mine osy turǵyda bizdiń kompanııa jelini tutas qorǵaýdyń sońǵy úlgisi «Kasperskıı krıstaldy» usynyp otyr. Bul nusqa basqa antıvırýstardan birneshe ınnovatsııalyq tehnologııasymen erekshelenedi», deıdi V.Dııagelev.

Onyń aıtýynsha,antıvırýstyń bul úlgisi kompıýterdegi mańyzdy faıldardy vırýstardyń áserinen joǵaltpas úshin avtomatty túrde qujattardyń kóshirmesin saqtap, qaıta qalpyna keltire alady.

Qazirgi tańda reseılik bul kompanııa kopıýterdi qaterli baǵdarlamalar men hakerlik ár túrli vırýstardan qorǵaıtyn ónim shyǵarý jaǵynan búkil dúnıejúzine tanymal jáne osyndaı ónim shyǵaratyn álemniń jetekshi kompanııalarynyń arasynda tórtinshi orynǵa ıe.

Ortalyq keńsesi Máskeýde ornalasqan atalmysh kompanııanyń bes shtab-páteri bar. Sonymen qatar álemniń 100-den asa elinde seriktestik jelisin ornatqan jáne kompanııa ónimi men tehnlogııasyn paıdalanýdaǵy tutynýshylardyń sany 300 mıllıonǵa jýyqtaǵan.

«Kasperskıı zerthanasyna» 13 jyl toldy. Kompanııanyń basty qundylyǵy - joǵary bilgirlik pen ondaǵan jyl boıy vırýspen, basqa da kompterlik qaterlermen kúresýdegi jınaqtalǵan mol tájirıbe. Biz ylǵıda vırýstardyń ózektiligin saraptap, qaterli baǵdarlamalardyń damý jolyn aıqyndaýdy úırendik. Sondyqtan da birneshe ret óz tutynýshylarymyzdy jańadan shyqqan ár túrli vırýstyq shabýyldardan qorǵaıtyn senimdi ónimdermen qamtamasyz ettik», deıdi Vasılıı Dııagelev.