Kasparov pen Ilıýmjınov Halyqaralyq shahmat federatsııasy prezıdenttigine talasady

Onyń qarsylasy - federatsııanyń qazirgi basshysy, sonymen birge ózgelerdi basqa planetalyqpen baılanysqandyǵyna sendirýge tyrysýmen aty shyqqan Kırsan Ilıýmjınov, dep jazady Bı-bı-sı. FIDE prezıdentin saılaý dúısenbi kúni norvegııalyq Tromsede osy uıymnyń Bas Assambleıasynyń birinshi jumys kúninde ótedi.

Kırsan Ilıýmjınov Halyqaralyq shahmat federatsııasyn 1995 jyldan bastap 19 jyl boıy basqaryp keledi. 1993-2010 jyldar aralyǵynda Ilıýmjanov Kalmykııanyń basshysy boldy. Ilıýmjınovtyń opponentteri ony Kremldiń qýyrshaǵy dep sanaıdy, Garrı Kasparov kerisinshe, Vladımır Pýtınniń opponenti ekeni belgili. Kasparov Ilıýmjınovtyń Pýtınmen tyǵyz qarym-qatynasta ekenin, Kalmykııanyń burynǵy basshysy FIDE prezıdenti oryntaǵynda uzaq ýaqyt bolýyn ashyq saıasattyń qoldaýy ekenin aıtty. Ózara aıyptaýlar «Reseıdiń álemdegi qaı elshiligi bolsa da, Ilıýmjınovtyń ornynda qalǵanyn qalaýda. Bul jerde áńgime tek shahmatta emes, astarynda saıasat jatqany belgili», - dedi Garrı Kasparov. Kasparov birneshe ret Ilıýmjınovty óziniń saılaýaldy saparlary men úgitteý jumystaryn júrgizýge FIDE qarajatyn paıdalandy dep aıyptady. Oǵan jaýap retinde Ilıýmjanov qarsylasyn jeńiske jetken jaǵdaıda keıbir tulǵalar men kompanııalarǵa iri kólemde qarajat bermek bolǵan dep aıyptaýda. Ilıýmjınov sondaı-aq Saddam Hýseınmen nemese Mýammar Kaddafımen baılanysy bar dep aıyptaldy. Kaddafımen FIDE-niń burynǵy prezıdenti 2011 jyly jaz aıyndaTrıpolıde shahmat oınaǵan. FIDE prezıdenti Reseı bıliginiń qoldaýyn paıdalanýda ári Sırııa kóshbasshysy Bashar Asadpen tanys, al Kasparov oppozıtsıoner retinde Horvatııadan daýsqa salynýǵa májbúr. Halyqaralyq shahmat federatsııasy 1924 jyly qurylǵan. 90 jylda ony alty-aq adam basqarǵan. Atap aıtqanda, Nıderlandydan Aleksandr Rıýb, shved Folke Rogard, álemniń eks-chempıony gollandııalyq Maks Eıve, ıslandyq Frıdrık Olafsson, fılıppındik Florensıo Kampomanes pen Ilıýmjınov.