11:45, 14 Jeltoqsan 2020 | GMT +6
Qasqyr talaǵan áıelge antırabıkalyq vaktsına salyndy – Qostanaı
QOSTANAI. QazAqparat – Qasqyr talaǵan 29 jastaǵy kelinshek Jangeldın aýdandyq ortalyqtandyrylǵan aýrýhanasyna jatqyzyldy, dep habarlaıdy QazAqparat oblystyq densaýlyq saqtaý basqarmasynyń baspasóz hatshysy Ksenııa Jılkıbaevaǵa silteme jasap.
«Qazir ol aýdandyq aýrýhana dárigerleriniń qaraýynda. Jaǵdaıy birqalypty. Hırýrgtyń tekserýinen ótti, hırýrgııalyq kómek qajet etpeıdi. Qasqyr qaryn tusynan tistegen. Emdelýshige antırabıkalyq vaktsına salyndy. Vaktsına janýarlardyń tisteýinen zardap shekken tulǵalarǵa qutyrýǵa qarsy paıdalanylady», - deıdi Ksenııa Jılkıbaeva.
Buǵan deıin habarlaǵanymyzdaı, oqıǵa Jankeldın aýdanynyń Aqkól aýyly mańyndaǵy malshy qystaǵynda bolǵan.
Túz taǵysynyń kelinshekti qutqarýǵa kelgen kúıeýine de shabýyl jasaǵany belgili boldy. Er adam at ústinde bolǵan.
